玩具总动员5

巴斯光年要鬥平板　《玩具5》預告拋震撼彈：玩具時代玩完？

Pixar 11號突然發布嘅《玩具總動員5》前導預告，揭示今集核心衝突：玩具面對嘅最大威脅唔再係惡童，而係邦妮死攬住唔放嘅青蛙平板「莉莉板」。翠絲絕望講出「我就嚟失去邦妮㗎喇」，同伴眼神驚慌，邦妮卻全神貫注篤屏幕，冇一個玩具笑得出來。胡迪與巴斯光年喺閣樓重逢，一同面對被遺忘嘅危機。新加盟角色由Greta Lee聲演莉莉板等，導演Andrew Stanton執導，故事緊接上集，直探科技取代傳統玩具嘅世代焦慮。電影2026年6月19日上映，標語「玩具嘅時代結束咗…？」引爆熱議。